Plattdüüts Musik ut Emden

Emder Wappen:"Engelke up de Müür" Plattdüüts Musik ut Emden

Wat sall ik Jo vöhl vertellen, ik wohn in Emden un kenn mi hier so`n bietje ut.
Wat neet elk un een weet, is dat dat in Emden een heel Bült Minsken gifft, de Musik maken un dat dat hier ook `n heel Hümpel Minsken gifft, de plattdüütse Leeders singen.
Hier stell ik Jo erstmal veer Gruppen vör, de ut Emden komen. Man dat düürt neet lang, dann kummt dor noch `n Bült bi !!
EMDER GRUPPEN:
SPILLWARK VAN M Das Geisterschiff DWARSLOPERS UPDRAHT

SPILLWARK mit Bispillen in RealAudio

SPILLWARK

Spillwark is een van de ollste un ook bekennste Gruppen ut Emden un wenn de hier all twee Johr mal uptreden, dann is de Hall in 2 Daag utverköfft. Anner Gruppen drömen dor bloot van.Spillwark hett bit vandag twee Spegelplaten rutbrocht. Kiekt jau de Siet man eben an .
Dor gifft dat dann ook Bispill -Musik van SPILLWARK.

UPDRAHT

UPDRAHT

Updraht Sömmer 2000 hett Fritz Herbst mit de Gitarren- un Fidelspöler Philipp Kehl un Dirk Itjes (Gitarre) "Updraht" openmaakt.
Wenn se sück bi hör Konzerten vörstellen, dann seggt se:" Wi bint Up Draht".

"Updraht", dat wär de Naam van en en poor Johr vörher lopende Fritz Herbst-Projekt.
Dat düürs en half Johr un de beiden harren Stücken för Geig , Akustik-Gitarre, Sang un Floit umschreven un dortau noch en poor neije Stücken dorbidaan.
So wurr dat bolt en kompleeten plattdütsen Programm, wat de Truppe in't Vörjohr 2001 mit de Hülp van Claudia Christians (Sang) un Achim Janssen (Trummels) tohuus mit en Tonband (8 Sporen) upnomen hett un de nu up hör erste CD "WIND" to kriegen is.
Dorbi sett sück "upDraht" mit verscheedensten Kanten utnanner. Up de en Kant stahnt de Texten, de -wiel se up Platt bint- an Heimat- un Volksmusik rankomen, man muskalisch geiht de Truppe ehrder na Folk hen. Dorbi hebben se wegen de Instrumenten en heel natürlike un akustische Klang. Man ook bi de Leeders kann man verscheeden Kanten rutkriegen:
So gifft dat up de CD "Wind" Seemannsleeders un Balladen, man ook Danz mit bi't na't Rock gahnde Deelen.
Tüskenin gifft dat ook sogar en "Bossa Nova" up de CD.
De Premiere geev dat an't 05.08.2001 bi de Friesenbühne in Emden.
"upDraht" harr dor gor neet mit rekend, man de Konzert wär utverköfft.
Na de Konzert hett dann de Baas van de Friesenbühne fraagt, off se neet Lüst harren, over Wiehnachten un Silvester ok bi hum to spölen.
Dorum hebben se dann ook noch en poor Wiehnachtsleeders mit in hör Repertoire upnohmen. UpDraht hett egen Sieden in't Internet: www.updraht.de
Dor gifft dat dann ook mp3 - Hör-Bispillen! Gaht man eben hen !

Van M mit Bispill in RealAudio

"Van M" maakt Rock Musik up Platt.

vanm.jpg (20079 Byte) Van M hett 1997de erste CD opnohmen:
"Wat is dat dann ?"
Van M : Rewert Wilhaus, Udo Bleeker, Günther Gätje, Matthias Wilhaus, Peter Zimmermann

Bi: Artychoke; AP-0997-CD
Rheinstr. 103, 26382 Wilhelmshaven

Van M - Telefon: 04921 32146

Hier is een Stück van de CD: "Flimmerflapper in d`Liev" ( RealAudio )
Van M hett ok en neije Homepage:www.van-m.de/

Das Geisterschiff mit Bispill in RealAudio

s_s2geis.jpg (22930 Byte) DAS GEISTERSCHIFF

Bi: ARTyCHOKE,
AP-0795-CD, Rheinstr. 103
26382 Wilhelmshaven

Musik : Wolfgang Meyering , 1995

" EIN STADTSPECTACULUM "

Ouvertüre (Thalias Thema) - De Störm - Dat Geesterschipp van Emden (Prolog) - Thalias Thema
Intermezzo (Jahrmarkt) - De dicke Margot
´n Sprök bi´t Rammen
Thalias ´two step´
Iowa (een Ostfreese)
Leed bi de Affahrt der Buisen to singen
Intermezzo II (Netzstrickerinnen)
Dat eensame Hus
Bilangs
Reprise (Thalias Thema)

De Geschicht van de ´Geesterschipp van Emden´ - een Ostindienfohrer, de för Johrhunnerten neet wiet weg van de Haben wegblifft un sietdem ohn Rast up de Noordsee sien Padd söcht - stunn in`t Jubiläumsjohr 1995 achter een heel besünner Musiktheaterproduktion. Up een swemmende Bühn mit een echte Schipp as Achtergrund trucken 500 Johr Emder Stadtgeschicht in Woord un Musik an`t Publikum vörbi. Tosamen mit Thalia, de Gallionsfigur, beleevden de Tohörers Minschen, Schicksaalen, Begeefnissen un Erinnerungen, de ut de ´Geesterschipp´ kropen. Un so as Thalia sülfst, so wisst ook hör musikalische Thema dör dat Stück un kummt vörbi bi de Lüüd un Geister, de Boversten un Ünnersten, de Armen un Rieken, de ut Emden dat maakten, wat de Stadt vandag is. (Wolfgang Meyering, översett : H.Wibben)

Bispill: "Dat Geesterschipp van Emden (Prolog) " Spreeker : Walter Volbers ( RealAudio )

Dwarslopers mit Bispill in RealAudio

Dwarslopers Dwarslopers, dat bint : Christine Schmidt-Reinders, Robert Willms un Jörg Fröse

1997 gifft dat hör erste CD : "Daar büst Platt"
Bi: ARTyCHOKE, AP-0897

Alltied weer
Leevde gifft di Flögels
Mien Platt - Dien Platt
Isabella
Of un to
Wenn wi Urlaub maken
Ik weet, wor ik ok hengah
Harvst
Dar geiht uns nix över
Wachten
Lotti
Mien Kind - een Leed to`n Inslapen
Luise
Mien Leevsten

Een Bispill van de CD "Daar büst Platt": Lotti ( 03:50) ( RealAudio )
Geiht Jodeln up Platt ? Dwarslopers meenen : "JA!", man de Geschicht, de dor achter sitt, is neet heel so lustig

DWARSLOPERS ut Emden hebben en neije,lüttje Spegelplaat in Juni 1999 mit 4 Leeders ruutbrocht:

De Plaat heet : "Matjeswalzer"
"Dwarlopers fiern Matjes".

Hier gifft Bispillen in REAL-AUDIO :
(enfach anklicken !:)
Matjes Walzer (Titelsong)
Wenn Wi Urlaub maken
Mien Platt Dien Platt

LINK na de : Dwarslopers Se hebben een egen Huusblat-Siet

Bi: ARTyCHOKE, AP-0795-CD, Rheinstr. 103 26382 Wilhelmshaven

Bi: ARTyCHOKE,
AP-0795-CD, Rheinstr. 103
26382 Wilhelmshaven